Møteplassen

Den nye møteromsavdelinga har lyse og trivelige lokaler for inntil 300 personar. Ideelt for effektive kurs/møter med gruppearbeid og behov for arbeidsro.

Det er her lagt vekt på moderne utstyr som faste kanoner og lerrett, faste utgangar for tilknytning til PC med lyd og audiovisuelt samt internett og straum. Mikrofonanlegget har trådlause mikrofonar og god lyd. Akustiske plater og skikkelig tregolv syter for gode akustiske arbeidsforhold.

• Utstyret handterer DVD og CD-ar
• Lyset blir automatisk regulert alt etter bruk
• Ved hjelp av fjordvarme har lokala beste kvalitet på oppvarming/kjøling
• Lokalet eignar seg også godt for konsertar og dans

Selskapsavdeling

Den nye avdelinga er utstyrt for selskap og middagar. Fantastiske lysekruner i krystall gjer at møteromet framstår som eit stilig selskapslokale med dempa belysning.

Selskapsavdelinga kan nyttast i lag med hotellet sin restaurant og såleis kunne ta inntil 400 personar til bespisning på ein gong.

Øyebakken, 264 m2  - heile møteromsavdelinga

• Klasseromoppsett 190 personar
• Kinooppsett, 250-300 personar
• Selskap med langbord, 250-300 personar
• Selskap med runde bord, 180 personar

Holtermann, 166 m2 - storsalen

• Klasseromoppsett 120 personar
• Kinooppsett 180 personar
• Selskap med langbord, 160 personar
• Selskap med runde bord 120  personar

Røvde, 53m2

• Klasseromoppsett 35 personarKinooppsett 50 personar
• Selskap med langbord, 32 personar
• Selskap med runde bord 32 personar

Kjøsnes, 44 m2

• Klasseromoppsett 30 personar
• Kinooppsett 45 personar
• Selskap med langbord, 32 personar
• Selskap med runde bord, 32 personar

Namn med historisk og lokal sus

Øyebakken er historisk stad rett ved hotellet og namnet på ein kar frå militærtida på Nordfjordeid. I området ved hotellet låg landets aller første eksisplass, og personar og historier frå militærtida lever godt den dag i dag. Ikkje minst takka vere det historiske spelet Elskhug og Eksis som blir framført annakvart år i jonsokhelga.

Holtermann var kaptein  i militærleiren rundt førre århundreskifte. I Holtermanns tid – er eit uttrykk som er mykje brukt lokalt på Nordfjordeid. Dei unge soldatane fekk god og myndig opplæring under denne karen, og historiene frå eksisøvingane er mange.

Røvde var fotograf og trubadur og naturlig nok ein populær kar når fotografering kom på moten.
Kjøsnes var leiar for Kjøsnesmusikken, kanskje landets første militærorkester. Dette vart stifta rundt 1860 og var i drift til ca. 1913 då det vart forløparen for dagens Eid Musikklag.